नवौं र दशौं तहका १४ जना विशेषज्ञ चिकित्सकको काज फिर्ता

काठमाडौं-स्वास्थ्य तथा जनसंख्या मन्त्रालयले ९ औं र दशौं तहमा सुगममा अस्पतालहरुमा काजमा बसेका १४ जना चिकित्सकहरुको काज फिर्ता गरेको छ । सोमबार स्वास्थ्य तथा जनसंख्यामन्त्री निशा मेहताले मन्त्रीस्तरीय निर्णय गर्दै १४ जना विशेषज्ञ चिकित्सकहरुको काज फिर्ता गरिदिएकी हुन् ।

मन्त्रालयले गजेन्द्र नारायण सिंह अस्पतालका ५ जना, डडेल्धुरा अस्पतालका ४ जना र नारायणी अस्पतालका ५ जना  विशेषज्ञ चिकित्सकहरुको काज फिर्ता गरिदिएको हो । डडेल्धुरा अस्पताल, नारायणी अस्पताल र गजेन्द्रनारायण सिंह अस्पतालको विशेषज्ञ सेवा प्रभावकारी बनाउन ती चिकित्सकहरुको काज फिर्ता गरिएको मन्त्रालयले जनाएको छ ।

ती चिकित्सकहरु दरबन्दी भएको ठाउँ छोडेर काजमा सुगममा बसिरहेका थिए ।