बिरामीलाई पोषिलो आहारा वितरण गरेर नेताले जन्मदिन मनाए

मानदत्त रावल सोमबार, २०८१ कात्तिक २६ गते, १३:०७ मा प्रकाशित

जुम्ला—तातोपानी गाउँपालिका—४ गौतमवाडाका कृषक तथा माओवादी नेता दीपक गौतमले बिरामीलाई पोषिलो आहारा वितरण गरेर जन्मदिन मनाएका छन् ।

४३ औं जन्मदिनका अवसरमा उनले कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा उपचाररत ५५ जना बिरामीलाई पोषिलो खाद्य सामग्री वितरण गरेका हुन् । नेता गौतमले बिरामीलाई दुई—दुई वटा लोकल कुखुराको अण्डा, दुई—दुई वटा स्याउ र एक—एक फ्रुटी वितरण गरेका हुन् ।

बिरामीहरूले पोषिलो खाद्य सामग्री पाउँदा खुसी व्यक्त गरे भने अस्पताल प्रशासनले समेत उनको यो योगदानको प्रशंसा गरेको छ ।

कर्णालीका विकट वस्तीबाट आएका बिरामीहरूका लागि पोषिलो खानाको अभावलाई ध्यानमा राख्दैं उनले यस्तो कदम चालेको बताएका छन्।