वीरेन्द्रनगर—२१ फागुनमा हुने निर्वाचनलाई लक्षित गरेर कालिकोट जिल्लामा एम्बुलेन्स सेवालाई व्यवस्थित गरिने भएको छ । निर्वाचनका दिन सार्वजनिक यातायातका साधन नचल्ने भएकाले एम्बुलेन्स सेवालाई व्यवस्थित गरिने भएको हो ।
२१ फागुनमा प्रतिनिधि सभा सदस्य निर्वाचन, २०८२ लाई मर्यादित, सुरक्षित र व्यवस्थित बनाउने उद्देश्यका साथ निर्वाचनको दिन कालिकोट जिल्लाभर हुनसक्ने सम्भावित स्वास्थ्य जोखिम, आकस्मिक दुर्घटना वा अन्य स्वास्थ्य समस्याहरुलाई तत्काल सम्बोधन गर्नका लागि एम्बुलेन्स सेवा तयारी अवस्थामा राखिएको छ ।
निर्वाचनको दिन सार्वजनिक यातायात साधनहरु नचल्ने भएकोले स्वास्थ्य सम्बन्धी कुनै पनि आपत्तकालीन अवस्था तयारी अवस्थामा राखिएको प्रमुख जिल्ला अधिकारी गोकर्णराज सुयलले जानकारी दिए ।
स्वास्थ्य जोखिम, आकस्मिक दुर्घटना वा अन्य स्वास्थ्य समस्या आएमा स्वास्थ्यसेवा कार्यालय कालीकोट, पुरानो बसपार्क मान्म बजार, खाँडाचक्र नगरपालिका–८ को सेरावाडा, सान्नि त्रिवेणी गाउँपालिका र तिलागुफा नगरपालिका एम्बुलेन्सहरु चालकसहित तयारी अवस्थामा राखिएको जिल्ला प्रशासन कार्यालय कालीकोटले जनाएको छ ।
