पछिल्लो २४ घन्टामा थप २९३३ जनामा कोरोना पुष्टि, २४ जनाको मृत्यु

काठमाडौं– नेपालमा पछिल्लो २४ घन्टामा २ हजार ९ सय ३३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा २ हजार ९ सय ३३ जनामा कोरोना पुष्टि भएको हो । यसैगरी देशभर २४ जना कोरोना संक्रमितको मृत्यु भएको छ ।

पछिल्लो २४ घन्टा काठमाडौं उपत्यकामा १ हजार ६ सय ३० जनामा कोरोना संक्रमण पुष्टि भएको छ । जसमध्ये काठमाडौंमा १ हजार ३ सय २९, भक्तपुरमा १ सय ८ र ललितपुरमा १ सय ९३ जना संक्रमित थपिएका छन् ।

हालसम्म नेपालमा १ लाख ७६ हजार ५ सय जना संक्रमित रहेका छन् भने १ लाख ३७ हजार ९ सय ९२ जनाले संक्रमणलाई जितेका छन् । मन्त्रालयको तथ्यांकअनुसार ९ सय ८४ जनाको मृत्यु भएको छ भने ३७ हजार ५ सय २४ जना सकृय संक्रमित रहेका छन् ।