प्रयोगात्मक अभ्यास पुरा नगरी पास भएका विद्यार्थीको नर्सिङ परिषद्ले नाम दर्ता नगर्ने

काठमाडौं– पूर्वाञ्चल विश्वविद्यालयले बिएस्सी नर्सिङ र पिबिबिएन कार्यक्रम अन्तर्गतको अन्तिम परीक्षा तालिका सार्वजनिक गरेको भन्दै नेपाल नर्सिङ परिषद्ले ध्यानाकर्षण गरेको छ ।

प्रयाेगात्मक अभ्यास नगरी अन्तिम परीक्षामा सहभागी भएर परीक्षा दिने विद्यार्थीलाई परिषद्ले मान्यता दिन र नाम दर्ता परीक्षामा सामेल गराउन नसकिने भन्दै ध्यानाकर्षण गराएको हो ।

विश्वविद्यालयले ८ मंसिरमा बिएस्सी नर्सिङ र पिविबिए परीक्षाको तालिका सार्वजनिक गरेको थियो । तालिका सार्वजनिक भएसँगै परिषद्ले विश्वविद्यालय, प्रतिष्ठान र सिटीईभीटी जानकारी दिने भनी १६ मंसिरमा ध्यानाकर्षण सूचना निकाल्ने निर्णय गरेको थियो ।