पिजी प्रवेश परीक्षाको नतिजा सार्वजनिक (नतिजासहित)

काठमाडौं—चिकित्सा शिक्षा आयोगले चिकित्सा विज्ञानतर्फ पोष्ट ग्राजुयट (पिजी)को प्रवेश परीक्षाको एमडी/एमएसको नतिजा प्रकाशित गरेको छ । आयोगका निर्देशक डा. दिलिप शर्माले बुधबार पिजीको एमडी÷एमएसको प्रवेश परीक्षाको नतिजा प्रकाशित भएको जानकारी दिए ।

आयोगकाअनुसार ५ हजार २ सय २९ जनाले एमडी/एमएसका लागि परीक्षा दिएकामा अनुभवसहितको खुल्ला प्रतिस्पर्धाबाट २ हजार ४ सय ७० जना उत्तीर्ण भएका छन् ।

यस्तै बिना अनुभव खुल्लामा १ सय ५७ जना, सरकारीतर्फ २ सय २ जना र विदेशी परीक्षार्थी ४७ जना एमडी/एमएस अध्ययनका लागि योग्य ठहरिएका छन् ।
एमडी/एमएसका लागि ५ हजार ५ सय ६८ जनाले आवेदन दिएका थिए । जसमध्ये ३ सय ३९ जना परीक्षामा अनुपस्थित रहेका थिए ।

गत शनिबार सम्पन्न पहिलो चरणको क्लिनिकल विषयतर्फको प्रवेश परीक्षाको नतिजा सार्वजनिक भएको हो । अन्य विषयको क्रमसः नतिजा प्रकाशित गर्ने आयोगले जनाएको छ ।

रिजल्ट हेर्नुहोस