स्वास्थ्य राज्यमन्त्री श्रेष्ठको २३ बुँदे कार्ययोजनाः १२ देखि १८ वर्षकालाई लगाउन ४० लाख खोप खरिद गर्ने सम्झौता

काठमाडौं—नवनियुक्त स्वास्थ्य राज्यमन्त्री उमेश श्रेष्ठले १२ वर्षदेखि १८ वर्षका बालबालिका र किशोर—किशोरीलाई लगाउन ४० लाख डोज खोप खरिद गर्ने प्रक्रिया सुरु भइसकेको बताएका छन् । सोमबार आफ्नो कार्ययोजना सार्वजनिक गर्दै मन्त्री श्रेष्ठले बालबालिका
तथा किशोर—किशोरी समेतलाई लक्षित गरी मोडर्नाको ४० लाख डोज खोप खरिदको प्रक्रिया अगाडि बढाइएको बताए ।

यस्तै, उनले जोनसोन एण्ड जोनसोनको ५० लाख, फाइजरको ४० लाख, अस्ट्राजेनिकाको २० लाख गरी कुल १ करोड ५० लाख डोज खोप खरिदको प्रक्रिया सुरु भइसकेको जानकारी पनि उनले दिए । उनकाअनुसार फाइजरको ६० लाख खोप खरिदका लागि प्रारम्भिक काम सम्प्न्न भएर उत्पादक कम्पनीसँग खरिद प्रक्रिया थालनी भएको छ ।

एक तिहाइ जनसंख्यालाई असोज मसान्तसम्म र सम्पूर्ण जनसंख्यालाई चैत मसान्तसम्म खोप लगाइसक्ने प्रधानमन्त्रीको प्रतिवद्धताअनुसार काम भइरहेको उनले बताए । स्वास्थ्य राज्यमन्त्री श्रेष्ठले कोभिड—१९ को सम्भावित तेस्रो लहरका लागि तयारी समेत अगाडि बढाइएको जानकारी दिए ।

यस्तो छ मन्त्री श्रेष्ठको २३ बुँदे कार्ययोजना