नेपाल स्वास्थ्य सेवा व्यवस्थापक संघ गण्डकीको संयोजकमा हेमन्त श्रेष्ठ चयन

पोखरा – नेपाल स्वास्थ्य सेवा व्यवस्थापक संघको उपाध्यक्ष तथा गण्डकी संयोजकमा लमजुङमा अस्पताल प्रमुख हेमन्त श्रेष्ठ चयन भएका छन् । श्रेष्ठ संघको पहिलो साधारण सभा तथा पहिलो अधिवेशनबाट चयन भएका हुन् ।

त्यस्तै, अधिवेशनले महेन्द्रराज भुसाललाई अध्यक्ष र मनिष दवाडीलाई वरिष्ठ उपाध्यक्ष चयन गरेको छ । महासचिव होमप्रसाद अधिकारी छन् भने सातै प्रदेशमा संयोजक तोकिएको छ ।

हालै स्थापना भएको संघले चाँडै नै प्रदेशमा समिति गठन गर्ने र स्वास्थ्य व्यवस्थापकको हकहितमा काम गर्ने उपाध्यक्ष तथा गण्डकी संयोजक हेमन्त श्रेष्ठले बताए । संघमा करिब ३ सय सदस्य रहेको उनको भनाइ थियो ।

संघले सरकारी अस्पतालमा दरबन्दी स्थापना गर्नेबारे पहल गर्नेछ । अस्पताल व्यवस्थापन पढेका विद्यार्थीको काममा व्यवस्थापन तथा कार्यरतहरुले अस्पताल व्यवस्थापन अनुभव आदान प्रदान गर्ने उद्देश्य रहेको उनले स्पष्ट पारे ।