स्वास्थ्यकर्मीको खाली दरबन्दी विवरण तीन दिन भित्र पठाउन स्वास्थ्य मन्त्रालयको निर्देशन

काठमाडौं–संघीय स्वास्थ्य तथा जनसंख्या मन्त्रालयले तीन दिन भित्र केन्द्रीय अस्पताल र मन्त्रालय मातहतका विभाग तथा केन्द्रहरुलाई तीन दिन भित्र दरबन्दीअनुसार रिक्त रहेका पदहरुको विवरण उपलब्ध गराउन निर्देशन दिएको छ ।

मन्त्रालयले बिहिबार सार्वजनिक गरेको सूचनाअनुसार ६ भदौको मन्त्रालयको निर्णयअनुसार चालु आर्थिक वर्षको रिक्त पदपूर्ति प्रयोजनका लागि नवौं तह र ११ औं तहको विवरण पठाउन भनेको हो ।

त्यसैगरी मन्त्रालयले ५ भदौमा अर्को निर्णय गर्दै एक हप्ता भित्र केन्द्रीय अस्पताल, विभाग, महाशाखा र केन्द्रका कर्मचारीहरुको विवरण पनि पेश गर्न भनेको छ । उसले आफू मातहतका कर्मचारी कुन अवस्थामा छन् सो खुलाई लेख्न भनेको छ ।

मन्त्रालयले विभाग, अस्पताल र केन्द्रहरुलाई दरबन्दीमा रहेको कर्मचारी काज या अध्ययन विदामा भए त्यसको पनि स्पष्ट खुलाएर पठाउन भनेको छ ।