विपी कोइराला स्वास्थ्य विज्ञान प्रतिष्ठानमा एक जना कोभिड संक्रमितको मृत्यु

विराटनगर—विपी कोइराला स्वास्थ्य विज्ञान प्रतिष्ठान धरानमा एक जना कोभिड-१९ संक्रमितको मृत्यु भएको छ । धरान-१९ सुनसरी घर भएका ६८ वर्षीय पुरुषको मृत्यु भएको अस्पतालमा सहप्रवक्ता डा. चुरामणी पोखरेलले जानकारी दिए ।

२५ भदौमा प्रतिष्ठानमा उपचारका लागि आएका ती बिरामीलाई सोही दिन कोभिड-१९ पोजेटिभ पुष्टि भएको थियो । कोभिड-१९ विरुद्ध उनले दुवै डोज खोप लगाएको अस्पतालले जनाएको छ ।

उनको आइतबार विहान १२ः५० मा अस्पतालमा उपचारका क्रममा मृत्यु भएको डा. पोखरेलले जानकारी दिए । हार्ट फेलियर वीथ क्रोनिक किड्नी डिजिज भएका उनको नियमाअनुसार शव व्यवस्थापनको तयारी भइरहेको छ ।