डा. शेरबहादुर पुनलाई अन्तर्राष्ट्रिय स्वास्थ्य पुरस्कार

काठमाडौं—शुक्रराज ट्रपिकल तथा सरुवा रोग अस्पतालका सरुवा रोग विशेषज्ञ डा. शेरबहादुर पुनले अन्तर्राष्ट्रिय स्वास्थ्य पुरस्कार पाएका छन् । नन रेसिडेन्ट नेपाली एशोसिएसन (एनआरएनए) क्यालिफोर्निया अमेरिकालाई डा. पुनको योगदानको कदर गर्दै अन्तर्राष्ट्रिय स्वास्थ्य पुरस्कार—२०२२ दिने निर्णय गरेको हो ।

डा. पुनले नेपाल फैलिएका प्राणघातक संक्रामक रोगहरुबाट नेपालीलाई जोगाउन महत्वपूर्ण योगदान पु¥याएको भन्दैं उक्त पुरस्कार प्रदान गर्ने निर्णइ गरेको संघका क्यालिफोर्नियाका अध्यक्ष माधव मरासिनीले जानकारी दिए ।

११ सय अमेरिकी डलर र ताम्रपत्रसहितको उक्त पुरस्कार ७ पुसमा नेपालमैं कार्यक्रम गरी डा. पुनलाई प्रदान गरिनेछ ।

डा. पुन स्वास्थ्य सेवामा र सरुवा रोगका विषयमा सचेतना फैलाउन अग्रणी भूमिका निभाइरहेका छन् । उनले कोभिड—१९ महामारी र डेंगु प्रकोपका बिरामीहरुको उपचारमा अहोरात्र सेवा पु¥याउनुका साथै यी दुवै रोगहरुको विषयमा लगातार विचार, लेख र अन्तर्वार्तामार्फत नागरिकलाई सचेत बनाउन विशेष भूमिका निभाइरहेका छन् ।