प्रदेश सचिव बनेर डा. सुमित्रा बागमतीमा, डा. श्रेष्ठ स्वास्थ्य मन्त्रालय फर्काइए

काठमाडौं—भक्तपुर अस्पतालकी मेडिकल सुपरिटेन्डेन्ट डा. सुमित्रा गौतमको बागमती प्रदेश मुख्यमन्त्री वा मन्त्रिपरिषद्को कार्यलय वा अन्तर्गत रहेन गरी सरुवा भएको छ ।

५ पुसमा बसेको मन्त्रिपरिषद्को बैठकले ११ औं तहकी कन्सल्ट्यान्ट डा. गौतमलाई सरुवा गरेको हो ।

उनी स्त्री तथा प्रसूति रोग विशेषज्ञ हुन् । उनलाई प्रदेश सचिव बनाएर बागमती प्रदेशमा पठाइएको हो ।

यसैगरी, डा. प्रवीण श्रेष्ठलाई संघीय स्वास्थ्य तथा जनसंख्या मन्त्रालय मातहतमा रहने गरी सरुवा गरिएको छ । यसअघि श्रेष्ठ बागमती प्रदेशमा प्रदेश सचिवका रुपमा कार्यरत रहेका थिए ।

सर्जन श्रेष्ठ बागमतीमा सचिव बन्नुअघि वीर अस्पतालमा कार्यरत थिए ।