प्रधानमन्त्रीलाई बुझाइयो स्वास्थ्य बीमा सुधार कार्ययोजना प्रतिवेदन

काठमाडौं—स्वास्थ्य तथा जनसंख्या मन्त्रालयले स्वास्थ्य बीमा सुधार सम्बन्धी कार्ययोजना प्रधानमन्त्रीसमक्ष प्रस्तुत गरेको छ । मंगलबार स्वास्थ्यमन्त्री प्रदीप पौडेलले प्रधानमन्त्री केपी शर्मा ओली सक्षम स्वास्थ्य बीमा सुधार कार्ययोजना प्रस्तुत गरेको हो ।

स्वास्थ्य बीमा सुधार सुझाव कार्यदलको प्रतिवेदनमा उल्लेखित विषयका आधारमा मन्त्रालयका अतिरिक्त सचिव डा. दीपेन्द्ररमण सिंहको नेतृत्वमा कार्ययोजना तयार पार्न मन्त्री पौडेलले निर्देशन दिएका थिए । सो समितिले तयार पारेको कार्ययोजनासहितको प्रतिवेदन प्राप्त भएपछि प्रधानमन्त्रीसमक्ष प्रतिवेदन बुझाइएको हो ।

कार्ययोजनाका आधारमा मन्त्रिपरिषद बैठकमार्फत स्वास्थ्य बीमामा सुधार सम्बन्धमा निर्णय हुने मन्त्रीको सचिवालयले जनाएको छ । मन्त्री पौडेलले स्वास्थ्य बीमामा सुधार गर्दै ५ लाख रुपैयाँ पु¥याउने गरी तयारी गरिरहेको बताएका थिए ।

प्रतिवेदनमा ५ लाख रुपैयाँको लक्ष्यमा पुग्न सकिने विषयवस्तु समावेस छ । मन्त्रिपरिषद्बाट निर्णय भएमा संसदको अधिवेशनमार्फत स्वास्थ्य बीमा ऐन संशोधनको प्रक्रिया अघि बढाउने मन्त्री पौडेलले तयारी गरेका छन् ।