स्वास्थ्य मन्त्रालयको सचिवमा डिल्लीराज शर्मा

काठमाडौं—स्वास्थ्य तथा जनसंख्या मन्त्रालयको प्रशासनतर्फको सचिवमा डिल्लीराज शर्मा आएका छन् । १२ जेठमा बसेको क्याबिनेट बैठकले डा. शर्मालाई स्वास्थ्य मन्त्रालयको प्रशासनतर्फको सचिवको जिम्मेवारी दिएको हो ।

यसअघि उनी लोकसेवा आयोगमा थिए । निवर्तमान सचिव हरिप्रसाद मैनालीको सरुवा भने संस्कृति, पर्यटन तथा नागरिक उडड्यन मन्त्रालयमा भएको छ ।

यस्तै, शिक्षा सचिवको समेत क्याबिनेटले सरुवा गरेको छ । यसअघिका शिक्षा सचिव दीपक काफ्लेलाई राष्ट्रपति कार्यलय पठाइएको छ । उनको ठाउँमा भने प्रधानमन्त्री तथा मन्त्री परिषद्को कार्यलयबाट चुडामणी पौडेललाई ल्याइएको छ ।