काठमाडौं—टाइम फर्मास्युटिकल्स लिमिटेडले एक वर्षमा ९० करोड ४० लाख रुपैयाँको कारोबार गरेको छ । टाइमको फाइनान्सियल तथ्यांकअनुसार सन् २०२५ मा उसले ९० करोड ४० लाख रुपैयाँको कारोबार गरेको हो ।
टाइमको यो कारोबार अघिल्लो वर्षको तुलनामा झण्डै ५ करोड १० लाख रुपैयाँले घटेको हो । टाइमले सन् २०२४ मा ९५ करोड ६० लाख रुपैयाँको कारोबार गरेको थियो ।
सन् २०२३ मा ८२ करोड २० लाख रुपैयाँको कारोबार गरेको टाइम फर्मास्युटिकल्सले सन् २०२२ मा ९९ करोड रुपैयाँको कारोबार गरेको थियो । सन् २०२१ मा ७९ करोड १० लाख रुपैयाँको कारोबार गरेको थियो ।
सन् २०२० मा टाइमले ६८ करोड ६३ लाख रुपैयाँको कारोबार गरेको थियो । यसैगरी सन् २०१९ मा ६६ करोड ३८ लाख, सन् २०१८ मा ७२ करोड रुपैयाँको कारोबार रहेको थियो ।
सन् १९९४ मा स्थापना भएर सन् १९९७ बाट सञ्चालनमा आएको टाइम फर्मास्युटिकल्सले विभिन्न सेगमेन्टका स्पेशलाइज्ड र जनरल औषधिहरु उत्पादन गर्दै आएको छ । कम्पनीले एन्टीकोल्ड, एन्टीबायोटिक, सप्लीमेन्ट, एन्टीडायबेटिकलगायतका औषधिहरु उत्पादन गरिरहेको छ ।
टाइम्समा अल्फा क्यापिटलको १५ प्रतिशत, राजु कर्माचार्य र झनकनाथ भट्टको ९/९ प्रतिशत र जी. नारायण बहादुर क्षेत्रीको ७ प्रतिशत शेयर स्वामित्व रहेको छ ।
