चीनबाट ल्याइने नेपालीलाई यी ठाउँमा राख्ने तयारी

काठमाडौं – चीनको वुहान प्रान्तबाट ल्याउन तयार गरिएका नेपालीहरुलाई स्वास्थ्य मन्त्रालयले सुरक्षाका लागि निगरानीमा राख्न सम्भावित ठाउँहरु अवलोकन गरिरहेको छ। मन्त्रालयले नेपाली सेनाको नवनिर्मित भवन, ससस्त्र प्रहरी क्याम्प, सरकारका केन्द्रिय अस्पतालका हलहरु, इजंकु नारायणमा रहेको सुकुम्वासी लागि बानाइएको आवास उक्त नेपालीलाई राख्ने सम्भावित ठाउँ हुन् सक्ने जनाएको छ।

उक्त ठाउँ अवलोकन गर्न मन्त्रालयले स्वास्थ्य प्राविधिक समितिका संयोजक डा. दिपेन्द्र रमण श्रेष्ठलाई जिम्मा दिएको छ। डा. श्रेष्ठको संयोजकतामा ठाउँ खोजि भईरहेको मन्त्रालयका प्रवक्ता महेन्द्र प्रसाद श्रेष्ठले जानकारी दिए।

कोरोना भाइरसको केन्द्रबिन्दु चीनको हुबेई प्रान्तको वुहानसहितका सहरबाट भारत, बंगलादेश, श्रीलंकाले आफ्ना नागरिक फिर्ता लैजान थालेपछि नेपाल सरकारले पनि ल्याउने तयारी गरिरहेको छ।