प्रधानमन्त्रीलाई वीएन्डसीसँग जोडिएको भन्दैं सञ्चालक प्रसाईको आपत्ति

काठमाडौं-प्रधानमन्त्री केपी शर्मा ओलीलाई वीएन्डसी मेडिकल कलेज शिक्षण अस्पताल एण्ड रिसर्च सेन्टरसँग जोडिएको भन्दैं व्यवस्थापनले आपत्ति जनाएको छ । १० बैशाखमा एक विज्ञप्ती जारी गर्दै कलेजका कार्यकारी निर्देशक दुर्गा प्रसाईले आफ्नो कलेजलाई प्रधानमन्त्रीसँग जोडिएको प्रति आपत्ति जनाएका हुन् ।

यसअघि डा. गोविन्द केसी र जीवन क्षेत्रीले जारी गरेको विज्ञप्तिमा प्रधानमन्त्री ओलीलाई जोडिएको थियो ।

प्रसाईले मुलुकका सम्मानित प्रधानमन्त्रीलाई कलेजसँग जोडेर लगाएका भ्रामक, कपोलकल्पित, असत्य र झुटा अनर्गल आरोप तथा आक्षेपप्रति आफ्नो गम्भीर ध्यानाकर्षण भएको उल्लेख गरेका छन् ।