काठमाडौं बाहिरको पहिलो ‘ए’ ग्रेडको ल्याब बन्यो नेशनल प्याथ ल्याब

हेल्थ आवाज शुक्रबार, २०७९ असोज ७ गते, १४:४३ मा प्रकाशित

काठमाडौं—बुटवलस्थित नेशनल प्याथ ल्याब एण्ड रिसर्च सेन्टर काठमाडौं उपत्यका बाहिरको पहिलो ‘ए’ क्याटागोरी अनुमति प्राप्त ल्याब बनेको छ । ३० भदौंमा राष्ट्रिय जनस्वास्थ्य प्रयोगशालाले नेशनल प्याथ ल्याबले मापदण्ड पूरा गरेकाले ५ वर्षका लागि ए ग्रेडको मान्यता दिएको हो ।

नेशनल प्याथ ल्याबले ‘स्वास्थ्य संस्था संचालन मापदण्ड, २०७७’ अनुसार आवश्यक मापदण्ड पूरा गरेपछि ए ग्रेडको अनुमति पाएको राष्ट्रिय जनस्वास्थ्य प्रयोगशालाले दिएको पत्रमा उल्लेख छ । ‘हामीले ए ग्रेडको ल्याबको अनुमति पायौं,’ नेशनल प्याथ ल्याबका प्रबन्ध निर्देशक पवन जोशीले भने, ‘यससँगै हामी राजधानीबाहिरको ए ग्रेडको पहिलो प्रयोगशाला भएका छौं ।’ उनले ल्याबको अत्याधुनिकीकरण र गुणस्तरीय सेवा अझ विशेष ध्यान दिने बताए ।

०६९ सालदेखि बुटवलमा सेवा दिइरहेको नेशनल प्याथ ल्याबको अहिले ८ वटा ठाउँमा शाखाहरु रहेका छन् । स्याम्पल परीक्षण, कर्मचारीका हिसाबले पनि नेशनल प्याथ नेपालको ठूलो ल्याबमा पर्छ ।

यो पनि पढ्नुस्