डा. ओममूर्तिलाई मृगेन्द्र सम्झना वक्ता सम्मान

काठमाडौं—वरिष्ठ मुटु रोग विशेषज्ञ डा. ओमूर्ति अनिल मृगेन्द्र सम्झना सम्मानबाट सम्मानित भएका छन् । शनिबार काभ्रेको बनेमा नेपाल हृदयरोग निवारण केन्द्र निवारण प्रतिष्ठान ३१ औं वार्षिक साधारणसभाले डा ओममूर्तिलाई ‘मृगेन्द्र सम्झना चिकित्सा गुठी वक्ता सम्मान २०७९’ प्रदान गरेको हो ।

मुटु रोगका क्षेत्रमा विशिष्ट योगदान दिएको सम्मानमा डा. ओममूर्तिले उक्त सम्मान पाएका हुन् । उनी सामाजिक सन्जाल तथा संचार माध्यममार्फत पनि मुटु रोगबारे जनचेतना अभिवृद्धिमा क्रियाशील छन् ।

यस्तै, यस वर्षको मुटु रोगी सेवा पुरस्कार वरिष्ठ मुटु रोग विशेषज्ञ डा. प्रेमराज वैद्यलाई प्रदान गरिएको छ ।

बनेपा नगरपालिकाका मेयर शान्तिरत्न शाक्य, मृगेन्द्र सम्झना गुढीका अध्यक्ष डा. मृगेन्द्रराज पाण्डे र प्रतिष्ठानका अध्यक्ष डा. बलराम न्यौपानेले संयुक्त रुपमा डा. ओममूर्ति र डा. प्रेमराजलाई उक्त सम्मान प्रदान गरेका हुन् ।