फार्मेसी परिषदद्वारा तीन संस्थालाई फार्मेसी सहायकको परीक्षामा सहभागी हुने अनुमति

काठमाडौं– नेपाल फार्मेसी परिषद्ले तीनवटा संस्थालाई फार्मेसी सहायकको परीक्षमा सहभागी गराउने भएको छ । परिषद्ले शुक्रबार एक सूचना जारी गर्दै प्रथम बर्ष सञ्चाल स्वीकृति भएका तर मान्यता प्रक्रिया पुरा नगरेका तीन वटा संस्थालाई परीक्षामा सहभागी हुन स–सर्त अनुमति दिएको हो ।

परिषद्को २३ औ नाम दर्ता परीक्षाका लागि दिवाकर स्मृति बहुप्राविधिक शिक्षालय, सहिद कृष्णसेन इच्छुक बहुप्राविधिक शिक्षालय र कर्णाली स्वास्थ्य बिज्ञान प्रतिष्ठान जुम्लाका विद्यार्थीलाई आवेदनहरु प्रमाणीकरण गरि परीक्षामा सहभागी हुन परिषदले आग्रह गरेको छ ।

परिषद्मा कुल स्वीकृत आवेदनको संख्या २०८०, स्वीकृत आवेदन १९८५ र सशर्त स्वीकृत ९५ रहेका छन् ।