नेपाली सेनाका दुई जनासहित वीरगञ्जबाट ५ जना डिस्चार्ज

जनकपुर—प्रदेश नं. २ पर्साको वीरगन्जस्थित गण्डक कोरोना विशेष अस्पतालबाट ५ जना संक्रमित निको भएर डिस्चार्ज भएका छन् । बिहीबार दुई सैनिकसहित ५ जना डिस्चार्ज भएको अस्पतालका मेसु डा. मदन उपाध्यायले जानकारी दिए ।

बारामा कार्यरत दुईजना सेनासहित ५ जनालाई अस्पतालले डिस्चार्ज दिएको हो । बाँकी तीन जना पर्साकै रहेको अस्पतालले जनाएको छ । गण्डक अस्पतालमा अब २८ जना संक्रमित आइसोलेसनमा उपचारत छन् । वीरगञ्जबाट मात्रै यसअघि १ सय २ जना डिस्चार्ज भइसकेका छन् ।