सप्तरीमा न्यायाधीसलाई कोरोना संक्रमण पुष्टि

जनकपुर – सप्तरीको राजविराजमा एक जना न्यायाधीस समेत कोरोना संक्रमित पाइएका छन् । उच्च अदालत जनकपुरधामको राजविराज इजलासका ५८ बर्षीय न्यायाधीसमा कोरोना संक्रमण पुष्टि भएको हो ।

जिल्ला स्वास्थ्य कार्यालयका प्रमुख दुनियाँलाल यादवले न्यायाधीस पनि संक्रमित भएको बताएका छन् । यसअघि उच्च सरकारी वकील कार्यालयका प्रमुख ४३ वर्षीय सह सचिवमा पनि कोरोना संक्रमणको पुष्टि भएको थियो । आइतबार तिरहुत गाउँपालिका वडा नम्बर २ का ३९ बर्षीय पुरुष, वडा नम्बर ३ का ३८ बर्षीय, वडा नम्बर ४ का २६ बर्षीय, वडा नम्बर ५ का २८ बर्षका २ जनामा कोरोना संक्रमण पुष्टि भएको स्वास्थ्य कार्यालयका प्रमुख यादवले बताए ।

यसअघि गजेन्द्रनारायण सिंह अस्पताल, राजविराजका एक विरामीमा कोरोना पुष्टि भएपछि १४ कर्मचारीलाई क्वारेन्टाइनमा राखिएको छ । हाल अस्पताल सिल गरिएको छ । राजविराज नगरपालिकामा तीन दिनदेखि निषेधाज्ञा जारी छ । बजार सुनसान छ । सर्वसधारण त्रसित बनेका छन् । सडकमा अत्यावश्यक बाहेकका गाडी गुडेका छैन् ।