पूर्वसांसद योगनारायण यादवको कोभिड–१९ को संक्रमणबाट मृत्यु

धनुषा-नेकपा एमालेका केन्द्रीय कमिटी सदस्य तथा पूर्वसांसद योगनारायण यादवको कोभिड–१९ संक्रमणबाट मृत्यु भएको छ । .स्वास्थ्यमा समस्या आएर मेडिसिटी अस्पतालमा उपचार गराइरहेका नेता यादवको कोभिड–१९ को संक्रमणबाट बिहीबार मृत्यु भएको हो ।

यादव मृगौला रोगबाट समेत पीडित थिए । मेडिसिटी अस्पतालमा मिर्गाैलाको हप्तामा दुई दिन डायलाशिस गराउने गरेका नेता यादवको मृगौला प्रत्यारोपणका लागि समेत सबैै तयारी पूरा भइसकेको थियो ।

उनको सहयोगी शम्भु साहका अनुसार चार दिन अगाडि मात्र उनी आफू स्वस्थ्य हुँदै गएको बताएका थिए । केही दिनअघि कोभिडका केही लक्षणसहित स्वास्थ्य अवस्था बिग्रेपछि उनको थप उपचार भइरहेको थियो ।

साहले भने, ‘हामीले एउटा होनहार नेता र धनुषाको मजबुत पिलर गुमाएका छौं । अहिलेको राजनीतिमा योगनारायण सबैलाई मिलाएर अगाडि बढने नेताका रुपमा परिचित थिए ।’