लुम्बिनी प्रादेशिक अस्पतालका चिकित्सक डा. अर्यालमाथि हातपात गर्नेले मागे माफी

काठमाडौं—लुम्बिनी प्रादेशिक अस्पतालको इमर्जेन्सीमा कार्यरत चिकित्सक डा. शिव अर्यालमाथि हातपात तथा गाली गलौज गर्ने व्यक्तिले माफी मागेका छन् । बिहीबार अस्पताल पुगेर उनीहरुले आफूहरुले गलत कार्य गरेको भन्दैं डा. अर्यालमाथि भएको दुर्व्यवहारका लागि माफी मागेका हुन् ।

१० पुसको राति ११ बजे अस्पतालमा आएकी बिरामी पार्वती सुनारको उपचारका क्रममा उनका छोरा अनुराग रसाइली, हिमाल रसाइली र बिरामीका श्रीमान भेषबहादुर सुनारको संलग्नतामा डा. अर्यालमाथि हातपात तथा गाली गलौज गरेका थिए। उनीहरुले डा. अर्याललाई धम्काउने समेत काम गरेका थिए ।

अस्पतालले उक्त कार्य गैरजिम्मेवारीपूर्ण भएको भन्दैं घटनामाथि छानविन गरी दोषीलाई कारवाही गर्न इलाका १२ पुसमा इलाका प्रहरी कार्यलयमा उजुरी दिएको छ ।

यस्तै उक्त घटनाप्रति नेपाल चिकित्सक संघ लुम्बिनी प्रदेश शाखा, राष्ट्रिय चिकित्सक संघ लुम्बिनी शाखालगायतले गम्भीर ध्यानाकर्षण भएको भन्दैं दोषीमाथि कारवाहीको माग गरेका थिए ।