२०८३ मंसिर १, मंगलवार
Health Aawaj logo
गृहपृष्ठ ∕ समाचार ∕ सरकारले जनताको विश्वासमाथि कुठाराघात गरेको नेपाल चिकित्सक संघ आरोप

सरकारले जनताको विश्वासमाथि कुठाराघात गरेको नेपाल चिकित्सक संघ आरोप


काठमाडौं–सरकारले विदेशबाट आयातीत तरकारी तथा फलफूल परिक्षणको निर्णय फिर्ता लिएर जनताको विश्वास र भरोसामामाथि कुठाराघात गरेको नेपाल चिकित्सक संघले आरोप लगाएको छ ।

मंगलवार विज्ञप्ती जारी गर्दै संघले सरकारको सो निर्णय जनस्वास्थ्य ऐन विपरित रहेको धारणा सार्वजनिक गरेको छ । संघका महासचिव डा. लोचन कार्कीले हस्ताक्षर गरेको सो विज्ञप्तीमा ऐन कानुन विपरित मानव स्वास्थ्यमा गम्भीर असर पुग्ने अत्यावश्यक सामाग्रीहरुको गुणस्तर परिक्षणका लागि सरकारका आफै जिम्मेवारीबाट पछाडि हटेको आरोप लगाइएको छ ।

विषादीयुक्त फलफूल तथा तरकारीले मानिसलाई अल्पकालीन र दीर्घकालीन समस्या देखिने संघको विज्ञप्तीमा उल्लेख छ । विषदीका कारण मानसिक असन्तुलन, श्वासप्रस्वासमा समस्या, झाडा पखालाको संक्रमण तथा मुटु कलेजो, मृर्गौलामा गम्भीर समस्या आउने बताइएको छ ।

सरकारले नेपालीको बाच्न पाउने अधिकारलाई सुनिश्चित गर्न र जिम्मेवार रुपमा प्रस्तुत हुन माग गरेको छ ।


विज्ञप्तीको पूर्णपाठ


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ