प्रदेश सांसद कुसुम श्रेष्ठलाई कोरोना संक्रमण पुष्टि

विराटनगर–  प्रदेश १ कि प्रदेशसभा सदस्य कुशुम श्रेष्ठलाई कोरोना संक्रमण पुष्टि भएको छ । बुधबार आएको रिपोर्ट अनुसार श्रेष्ठलाई कोरोना संक्रमण पुष्टि भएको हो । कोरानो संक्रमण पुष्टि भएको कुसुमले बुधबार साढे ११ बजे सामाजिक संञ्जालमार्फत जानकारी गराएकी छिन् ।

‘कोभिड– १९ महामामारीबाट अछुत रहन सकिनँ । २४ साउनमा परीक्षण गर्न दिएको स्वाबको रिपोर्ट आज आयो । नयन जी र म सँग एक हप्ता भित्र सम्पर्कमा रहनुहुने सम्पूर्ण महानुभाव सचेत र सजग रहनुहोला,’ उनले फेसबुकमा स्टाटसमा लेखेकी छिन् ।

धनकुटाबाट प्रतिनिधित्व गर्ने नेकपाका सांसद श्रेष्ठ सुनसरीको इटहरीमा बस्दै आएकी छिन् । प्रदेशसभा सदस्यमा कोरोना संक्रमण देखिएको पहिलो घटना हो । यसअघि विराटनगर निवासी प्रदेश १ का मुख्य न्यायाधीवक्ता चुडामणी आचार्यसहित उनको परिवारमा कोरोना संक्रमण पुष्टि भएको थियो ।

सांसद श्रेष्ठले केहिदिन अगाडि ज्वरो आएर स्वास्थ्यमा समस्या भएपछि चेकजाँच गर्दा कोरोना पोजेटिभ देखिएको बताइन् । अहिले आफ्नो स्वास्थ्य अवस्था सामान्य रहेको जानकारी दिँदै उनले कोरोनालाई सहज रुपमा लिएर आत्मबल दरिलो बनाई परास्त गर्ने विश्वास व्यक्त गरिन् ।