फ्रन्टलाइनमा काम गर्ने स्वास्थ्यकर्मी, चिकित्सक तथा नर्सहरुको अनिवार्य पिसिआर परीक्षण हुने

काठमाडौँ – स्वास्थ्य तथा जनसंख्या मन्त्रालयले अग्रपन्थीमा काम गर्ने स्वास्थ्यकर्मी, चिकित्सक तथा नर्सहरुको अनिवार्यरुपमा पिसिआर परीक्षण गराउन सम्पूर्ण अस्पताललाई आग्रह गरेको छ । मन्त्रालयका प्रवक्ता डा. जागेश्वर गौतमले बिहिबारको पत्रकार सम्मेलनमा अग्रपन्थीमा रहेका स्वास्थ्यकर्मी, चिकित्सक तथा नर्सहरुको अनिवार्यरुपमा पिसिआर परीक्षण गरेर मात्रै काम गराउन सम्पूर्ण अस्पताललाई आग्रह गरेका हुन् ।

उनका अनुसार अग्रपन्थीमा रहेर काम गरिरहेका स्वास्थ्यकर्मी, चिकित्सक तथा नर्सहरुलाई संक्रमणबाट जोगाउन र संक्रमित भएको खण्डमा बिरामीमा संक्रमण फैलन नदिनको लागि अनिवार्यरुपमा पिसिआर परीक्षण गराउन मन्त्रालयले अनुरोध गरेको हो ।