डा. युवराज लिम्बुले पाए गंगालालको निमित्त निर्देशकको जिम्मेवारी

काठमाडौं— शहीद गंगालाल राष्ट्रिय हृद्धय केन्द्रको निमित्त निर्देशकको जिम्मेवारी डा. युवराज लिम्बुले पाएका छन् । आइतबार केन्द्रका निर्देशक डा. जोतेन्द्र शर्माको चार वर्षे कार्यकाल सकिएसँगै निमित्त निर्देशकको जिम्मेवारी डा. लिम्बुलाई दिइएको हो ।

डा. लिम्बुलाई उपप्रधान एवं स्वास्थ्य तथा जनसंख्यामन्त्री उपेन्द्र यादवले मन्त्रीस्तरीय निर्णयबाट अर्को ब्यवस्था नहुँदासम्मका लागि कामचलाउ जिम्मेवारी दिएका हुन् । ‘अर्को ब्यवस्था नहुँदासम्मका उहाँलाई कार्यबाहक जिम्मेवारी दिइएको हो,’ मन्त्री यादवका स्वकीय सचिव महेश चौरासियाले हेल्थआवाजसँग भने ।

डा. लिम्बु गंगालालका सिनियर कन्सल्टेन्ट कार्डियोलोजिष्ट हुन् ।