विपी प्रतिष्ठानमा ३७ वर्षीय कोरोना संक्रमित पुरुषको मृत्यु

धरान—विपी कोइराला स्वास्थ्य विज्ञान प्रतिष्ठान धरानमा एक जना कोरोना संक्रमितको मृत्यु भएको छ । मंगलबार साँझ ६ः४५ मा प्रतिष्ठानको कोभिड—१९ अस्पतालमा ती संक्रमित मृत्यु भएको हो ।

प्रतिष्ठानका सह—प्रवक्ता डा. आशिष श्रेष्ठकाअनुसार अन्य दीर्घ रोग नभएका मोरङ बेलवारी— १० का ती युवामा २१ असोजमा कोरोना संक्रमण पोजेटिभ देखिएको थियो । त्यसपछि उनलाई प्रतिष्ठानको कोभिड—१९ अस्पतालमा राखेर उपचार सुरु गरिएको थियो ।

उनको शवको व्यवस्थापन नियमअनुसार भैरहेको प्रवक्ता. डा. श्रेष्ठले जानकारी दिए ।