कोभिड-१९ का कारण रुपन्देहीमा स्वास्थ्यकर्मीको मृत्यु

बुटवल—कोभिड—१९ का कारण रुपन्देहीमा एक जना स्वास्थ्यकर्मीको मृत्यु भएको छ ।

रुपन्देहीको लुम्बिनी सांस्कृतिक नगरपालिकामा रहेको मधुवनी स्वास्थ्य चौकीमा कार्यरत सिनियर अनमी गोमा गुरुङको कारोना संक्रमणका कारण मृत्यु भएको हो ।

रुपन्देहीमा कोरोना भाइरस संक्रमणबाट मृत्यु हुने पहिलो स्वास्थ्यकर्मी हुन् ।

कोरोना संक्रमणका कारण सिकिस्त भएकी गुरुङको भैरहवास्थित भिम अस्पतालमा उपचारको क्रममा मृत्यु भएको अस्पतालले जनाएको छ ।