देशभर थप २४० जनामा कोरोना पुष्टि, ६ जनाको मृत्यु

काठमाडौं– देशभर थप २ सय ४० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा थप २ सय ४० जनामा कोरोना संक्रमण पुष्टि भएको हो ।

संक्रमित मध्ये काठमाडौं उपत्यकाका १ सय ३१ जना रहेका छन् । यो सँगै नेपालमा कोरोना संक्रमित हुनेको संख्या २ लाख ६७ हजार ५६ जना पुगेका छन् । पछिल्लो २४ घन्टामा ४ सय ७७ जना कोरोना मुक्त भइ डिस्चार्ज भएका छन् । मन्त्रालयका अनुसार हालसम्म २ लाख ६१ हजार ४४ जना कोरोनामुक्त भैसकेका छन् ।

आज देशभर थप ६ जना कोरोना संक्रमितको मृत्यु भएको छ । यससँगै नेपालमा कोरोनाका कारण ज्यान गुमाउनेको संख्या १ हजार ९ सय ५४ पुगेको मन्त्रालयले जनाएको छ । पछिल्लो २४ घन्टामा ३ हजार ८ सय १९ पीसीआर परीक्षण भएको छ ।