भारतद्वारा कोभिशिल्ड खोपको निर्यातमा रोक

काठमाडौँ –  भारतले कोभिशिल्डको खोप निर्यातमा रोक लगाएको छ। भारतीय विदेश मन्त्रालयको सुत्रले बीबीसीसँग कुरा गर्दै केहि समयको लागि अक्सफोर्ड-एस्ट्राजेनेकाद्वारा विकसित खोप निर्यातमा केहि समयका लागि रोक लगाउने जनाएको हो।

मन्त्रालयको अनुसार भारतमा कोरोना वृद्धिको कारण देखाउँदै आउँदो सातामा भ्याक्सिनको माग स्वदेशमै बढ्ने हुँदा तत्काल दिन नसक्ने जनाएको हो। यसले अप्रिलको अन्त्यसम्म भ्याक्सिनको निर्यातमा असर पर्ने देखिएको छ।

बीबीसीको अनुसार कोभ्याक्स कार्यक्रमको योजना अनुसार उक्त निर्णयले करिब १ सय ९० मुलुक असर पर्नेछ। विश्व स्वास्थ्य संगठनको नेतृत्वमा चलिरहेको कोभ्याक्स योजना अन्तरर्गतसबै देशमा कोरोना भ्याक्सिनको सुनिश्चित गर्नु हो।

भारतले हालसम्म ७६ देशमा ६ करोड डोज कोरोना भ्याक्सिन निर्यात गरेको छ। जसमध्ये एउटा देश नेपाल पनि रहेको छ। खोप निर्यात लगाएपछि नेपालको खोप अभियान पनि अन्योलमा पर्ने भएको छ ।