नेपाल मेडिकल काउन्सिलले बनायो निर्वाचन समिति, डा. गणेश राई प्रमुख निर्वाचन अधिकृत

काठमाडौं—नेपाल मेडिकल काउन्सिलको निर्वाचित कार्यकारीहरुको पदावधि ५ असोजमा सकिने भएपछि नयाँ पदाधिकारीसहित सदस्यको निर्वाचनका लागि तीन सदस्सीय निर्वाचन समिति गठन गरिएको छ ।

९ भदौंमा बसेको काउन्सिलको पूर्ण बैठकले बालरोग विशेषज्ञ डा. गणेश राईलाई प्रमुख निर्वाचन अधिकृत तोकेको छ । त्यसैगरी निर्वाचन अधिकृतहरुमा डा. मधुसुदन पुन र डा. मनोज हुमागाईलाई तोकिएको काउन्सिलका रजिष्ट्रार डा. कृष्णप्रसाद अधिकारीले बताए ।

काउन्सिलमा प्रत्यक्ष निर्वाचनबाट उपाध्यक्षसहित ९ जना रहेका छन् । यस्तै, सरकारले नियुक्ति गर्ने एक जना अध्यक्षसहित ६ जना सदस्य रहन्छन् ।