यस वर्षकाे उत्कृष्ट निजामती पुरस्कार डा. तिङ्करीलाई

काठमाडौँ – सरकारले स्वास्थ्य सेवा विभाग व्यवस्थापन महाशाखाका प्रमुख डा. भिम सिंह तिङ्करीलाई यस वर्षको उत्कृष्ठ निजामती सेवा पुरस्कार प्रदान गर्ने भएको छ । निजामती कर्मचारी दिवसको अवसरमा प्रदान गरिने सो पुरस्कारबाट यसपटक १० जना कर्मचारीलाई छानिएको हो ।

मुख्य सचिवको अध्यक्षतामा रहेको समितिले सो पुरस्कार छानिन्छ ।

स्वास्थ्य सेवा विभाग व्यवस्थापन महाशाखामा एक वर्षदेखि कार्यरत डा. तिङकरीले कोभिड-१९ को महामारीमा स्वास्थ्य सामग्री व्यवस्थापन र खोप व्यवस्थापनमा उत्कृष्ठ काम गर्दै आएका थिए । उनी स्वास्थ्य सेवाको ११ औ तहका सबैभन्दा सिनियर कर्मचारी समेत हुन् ।

आगामी माघमा उमेर हदका कारण अनिवार्य अवकास पाउन लागेका डा. टिंकरी ३२ वर्षदेखि स्वास्थ्य सेवामा रहेका छन् ।

मन्त्रालयमा खालि रहेको १२ औं  तहको तीनवटा पदमा बढुवा हुने पहिलोनम्बरमा पनि उनी नै रहेका छन् ।