नेपालमा २६७८९१ स्वास्थ्य जनशक्ति, सबैभन्दा बढी ६१४२१ नर्स र ६०२४२ अहेब

काठमाडौं—नेपालमा २ लाख ६७ हजार ८ सय ९१ दर्ता रहेको स्वास्थ्य जनशक्ति रहेको पाइएको छ । नेपालको स्वास्थ्य जनशक्ति सम्बन्धि राष्ट्रिय रणनीति २०७७-२०७८ देखि २०८७-०८८) मा उक्त तथ्यांक उल्लेख छ ।

स्वास्थ्य तथा जनसंख्या मन्त्रालय प्रकाशित गरेको स्वास्थ्य जनशक्ति सम्बन्धी राष्ट्रिय रणनीतिमा विभिन्न २७ वटा वर्गमा स्वास्थ्य जनशक्तिलाई विभाजन गरिएको छ । जसमा सबैभन्दा बढी जनशक्ति जिष्टर्ड नर्सको जनशक्ति ६१ हजार ४ सय २१ जना रहेको छ । दोस्रोमा सहायक स्वास्थ्य कार्यकर्ता (अ.हे.ब.)को ६० हजार २ सय ४२ रहेको छ भने अनमी (सहायक स्वास्थ्य परिचारिका) ३५ हजार ९ जना दर्ता जनशक्ति रहेको छ ।

यस्तै, चौथो नम्बरमा चिकित्सा विज्ञान प्रयोगशाला व्यवसायी २९ हजार ९ सय २८ जनशक्ति रहेको छ । पाँचौ नम्बरमा रहेको चिकित्सकको जनशक्ति २८ हजार ४ सय ७७ छ । स्वास्थ्य सहायक (हे.अ.)को जनशक्ति १७ हजार ३ सय ६३ रहेको छ भने फार्मेसी व्यवसायीको जनशक्ति १४ हजार ७ सय २० छ ।

दर्ता भएका स्वास्थ्य जनशक्तिको संख्या

स्रोतः नेपालको स्वास्थ्य जनशक्ति सम्बन्धि राष्ट्रिय रणनीति २०७७—२०७८ देखि २०८७—०८८