मानव अधिकार आयोग भन्छ, ‘सरकारले दिने सबै औषधी स्वास्थ्य चौकीमा पाइदैन’

मानव अधिकार आयोगले सरकारले नि:शुल्क वितरण गर्ने भनिएको सबै औषधी स्वास्थ्य चौकीमा नपाइने बताएको छ। आयोगले जारी गरेको ७६/७८को वार्षिक प्रतिवेदनमा आयोगले उक्त कुरा औल्याएको हो।

आयोगले आधारभूत स्वास्थ्य अधिकारको क्षेत्रमा कामहरू भए पनि अवस्था अपेक्षित नभएको बताएको छ । आयोगका अनुसार निःशुल्क वितरण गरिने भनी घोषणा गरिएका औषधीहरू अधिकाँश स्वास्थ्य चौकीमा पूर्णरूपमा प्राप्त गर्न कठिन छ । सामान्य औषधीको अभावमा मानिसहरुले ज्यान गुमाउनु पर्ने अवस्था छ।

स्वास्थ्य संस्थाहरूले बिरामी दर्तामा समेत नागरिकबाट रकम लिने गरेको र विशेषज्ञ चिकित्सकको अभावमा नागरिकहरू जिल्ला बाहिर गएर उपचार गर्न बाध्य रहेको आयोगको प्रतिवेदनमा उल्लेख छ।