प्रसुति गृहमा एक हप्तामा कोभिड–१९ संक्रमण भएका ५४ जनाको सुत्केरी गराइयो

काठमाडौं—थापाथलीस्थित परोपकार प्रसुति गृहमा एक हप्तामा कोभिड–१९ संक्रमण भएका ९० जना गर्भवती कोभिड युनिटमा भर्ना भएका छन् । अस्पताल निर्देशक प्रा.डा. अमिरबाबु श्रेष्ठकाअनुसार ३ देखि ९ माघसम्म ९० जना गर्भवती कोभिड–१९ युनिटमा भर्ना भएका हुन् ।

९० गर्भवतीमध्ये ५४ जना प्रसुति गराइएको छ । जसमा २८ जनाको सामान्य प्रक्रियाबाट प्रसुति गराइएको छ भने २६ जनाको शल्यक्रियामार्फत प्रसुति गराइएको छ ।

अन्य २६ जना भने अस्पतालमा भर्ना रहेको डा. श्रेष्ठले बताए । अस्पतालका करिब १ सयभन्दा बढी चिकित्सक, नर्स र स्वास्थ्यकर्मी कोभिड–१९ संक्रमित भएतापनि सेवा भने निरन्तर रहेको उनले जानकारी दिए ।