राष्ट्रिय ट्रमा सेन्टरको निमित्त मेसुुको जिम्मेवारी डा. प्रमोद यादवलाई

काठमाडौं—राष्ट्रिय ट्रमा सेन्टरको निमित्त प्रमुख मेडिकल सुपरिटेन्डेन्टमा डा. प्रमोद यादव नियुक्त भएका छन् । बुधबार स्वास्थ्य तथा जनसंख्यामन्त्री विरोध खतिवडाले मन्त्रीस्तरीय निर्णय गर्दै डा. यादवलाई ट्रमा मेसुको जिम्मेवारी दिएका हुन् ।

यसअघि ट्रमाका निमित्त मेसु रहेका डा. प्रमोद जोशी प्रस्तावित गेटा मेडिकल कलेज अस्पतालको निर्देशक भएर धनगढी सरुवा भएका छन् । उनको ठाउँमा डा. यादवलाई ल्याइएको हो ।

१० औं तहका डा. यादव यसअघि जनकपुर प्रादेशिक अस्पतालका मेसु थिए । उनी यसअघि पनि ट्रमाको मेसु रहिसकेका छन् ।