२०८३ मंसिर २, बुधवार
Health Aawaj logo
गृहपृष्ठ ∕ समाचार ∕ सरकारी अस्पतालमा मात्र बीमा कार्यक्रम संचालन गर्ने निर्णय सच्याउने प्रस्ताव मन्त्रिपरिषदमा लाने तयारी

सरकारी अस्पतालमा मात्र बीमा कार्यक्रम संचालन गर्ने निर्णय सच्याउने प्रस्ताव मन्त्रिपरिषदमा लाने तयारी


काठमाडौँ – स्वास्थ्य तथा जनसंख्या मन्त्रालयले सामुदायिक र सरकारी अस्पतालमा मात्र स्वास्थ्य बीमा कार्यक्रम संचालन गर्ने विषयमा पास भएको बजेट वक्तव्य सच्याउने प्रस्ताव मन्त्रिपरिषद कार्यालयमा लाने भएको छ। बीमा ऐन नियमावली  र बजेटको कुरा बाझिएको हुँदा यसलाई सच्चाउनको लागि मन्त्रालयले प्रस्ताव  लाने तयारी गरेको स्वास्थ्य बीमा बोर्डका अध्यक्ष डा. सेनेन्द्रराज उप्रेतीले जानकारी दिए ।

सो विषयमा छलफलका लागि स्वास्थ्यमन्त्री भवानी खापुङ, बीमा बोर्डका अध्यक्ष डा. उप्रेती र  बोर्डका कार्यकारी निर्देशक डा. दामोदर बसौलाले भेट गरेका थिए। सो भेटमा स्वास्थ्यमन्त्री खापुङले ऐन र बजेट भाषणमा बाझिएको  विषय सच्चाउनको लागि आफुले मन्त्रिपरिषदमा  प्रस्ताव लाने बताएका हुन्।

सरकारले आर्थिक वर्ष २०७९/०८० बाट स्वास्थ्य बीमा कार्यक्रम सामुदायिक तथा सरकारी अस्पतालबाट मात्र संचालन गर्ने गरी बजेट पास गरेपछि निजी अस्पतालहरुले तत्काललाई बिमाअन्तर्गतको सेवा बन्द गरेका छन् । बजेट वक्तव्यमा सामुदायिक र त्यसको विषयमा आधारिक जानकारी नआएको भन्दै निजी अस्पतालले स्वास्थ्य बीमा कार्यक्रम रोकेका हुन् ।   कार्यक्रम रोकिदा हजारौ सेवाग्राही मर्कामा परेका छन्।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ