एकैपटक थप ४३५ जना कोभिड पुष्टि, सक्रिय केस २५३७

काठमाडौँ  -देशभर एकैपटक थप  ४३५ जना कोभिड-१९ संक्रमण पुष्टि भएको छ। पछिल्लो २४ घण्टामा थप ४३५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको हो ।

पछिल्लो समय दिनप्रतिदिन संक्रमितको संख्या बढ्दै गएको छ । हाल सक्रिय संक्रमित २ हजार ५३७ जना रहेका छन् ।

मन्त्रालयका अनुसार गत २४ घण्टामा ५६ जना संक्रमित निको भएका छन्।  उक्त अवधिमा कुनै पनि संक्रमितको मृत्यु भएको छैन।