कोभिड-१९ विरुद्धको कोभ्याक्सिनको साइड इफेक्ट रहेको अध्ययनको दावी

भारत बायोटेकले बनाएको कोभिड—१९ विरुद्धको भ्याक्सिन कोभ्याक्सिनको साइड इफेक्ट देखिएको भारतीय अध्ययनकर्ताहरुले दावी गरेका छन् । यो कुरा इकोनोक्सि टाइम्सले साइन्स जर्नल स्प्रिङलिंकमा प्काशित भएको अनुसन्धानको दावी गर्दै यस्तो समाचार प्रकाशित गरेको हो ।

अनुसन्धानकाअनुसार बनारस हिन्दु विश्वविद्यालयकामा भएको अनुसन्धानमा भाग लिएका लगभग एक तिहाइ मानिसहरुमा कोभ्याक्सिनको साइड इफेक्टस पाइएको छ । जसमा श्वास सम्बन्धी इन्फेक्सन, ब्लड क्लटिङ र स्कीनसँग जोडिएका समस्या देखिएका बताइएको छ ।

शोधकर्ताहरुकाअनुसार टिएनजर्स खासगरी कुनै पनि प्रकारको एलर्जीसँग जुधिरहेकी किशोरीहरुमा कोभ्याक्सिनबाट खतरा बढी छ । तर, केही दिन पहिले कोभ्याक्सिनको निर्माता कम्पनी भारत बायोटेकले आफ्नो भ्याक्सिन सुरक्षित रहेको बताएको थियो ।

भारतीय प्रधानमन्त्री नरेन्द्र मोदीले पनि कोभ्याक्सिनको दुई डोज लगाएका थिए ।

-एजेन्सीको सहयोगमा