आगलागी नियन्त्रणमा आएपछि नेपाल क्यान्सर अस्पतालका सेवा सुचारु

काठमाडौं—नेपाल क्यान्सर अस्पतालमा विद्युत सर्ट भएर आगलागी भएपछि अवरुद्ध बनेका सेवाहरु सुचारु भएका छन् । सोमबार विहान ६ बजे डे केयर युनिटमा विद्युत सर्ट भएर आगलागी भएको थियो ।

जसका कारण केही समय सेवाहरु अवरुद्ध बनेका थिए । आगलागीपछि स्थानीयवासी, दमकल, प्रहरी र अस्पतालका कर्मचारीहरुको संयुक्त प्रयासमा आगलागी नियन्त्रण गरिएको थियो ।

‘आगलागी पूर्ण रुपमा नियन्त्रणमा लिई अस्पतालका सम्पूर्ण सेवाहरु सुचारु गरिएको जानकारी गराउन चाहन्छौं,’ अस्पतालले भनेको छ ।
आगलागीबाट बिरामी, बिरामीका कुरुवालगायत सबै सकुशल रहेको अस्पतालले जनाएको छ ।