२०८१ असार ४, सोमबार
Health Aawaj logo
गृहपृष्ठकर्णाली प्रदेशकर्णालीमा थप १८ जनामा कोरोना पुष्टि

कर्णालीमा थप १८ जनामा कोरोना पुष्टि


सुर्खेत – कर्णाली प्रदेशमा बिहीबार १८ जनामा कोरोना संक्रमण पुष्टि भएको छ। सामाजिक विकास मन्त्रालयको स्वास्थ्य महाशाखाका अनुसार पछिल्लो २४ घण्टामा गरिएको ६९४ स्वाब परीक्षणमध्ये १८ जनामा कोरोना पोजेटिभ देखिएको हो।संक्रमित सबै सुर्खेतका रहेको स्वास्थ्य महाशाखाले जनाएको छ।

संक्रमितमध्ये ५ महिला, ५ बालक छन् भने ८ जना पुरुष छन्। सुर्खेतको वीरेन्द्रनगर नगरपािलका १० का ३ जना महिला, ३ जना पुरुषमा कोरोना पुष्टि भएको छ। सोही वडाका १, २ र ३ वर्षीय बालकमा पनि कारोना पुष्टि भएको महाशाखाले जनाएको छ।

यस्तै वीरेन्द्रनगर–१३ का २ जना महिला, ६ र १३ वर्षीय दुई बालक, ४ जना पुरषमा कोरोना पुष्टि भएको छ। सुर्खेतको लेकवेशी नगरपालिका–७ का एक जना पुरुषमा कोरोना पुष्टि भएको महाशाखाले जनाएको छ।

योसँगै कर्णाली प्रदेशका कोरोना संक्रमित हुनेको संख्या २ हजार ५२ पुगेको छ। जसमध्ये १ हजार ९०१ जना डिस्चार्ज भइसकेका छन् भने १४५ जना विभिन्न अस्पताल तथा आइसोलेशनमा बसिरहेको स्वास्थ्य सेवा महाशाखाले जनाएको छ।


क्याटेगोरी : कर्णाली प्रदेश



तपाईको प्रतिक्रिया दिनुहोस


ट्रेण्डिङ