२०८३ मंसिर ५, शनिवार
Health Aawaj logo
गृहपृष्ठ ∕ कर्णाली प्रदेश ∕ भारतीय चिकित्सक डा. मौमिताको हत्या विरोधमा जुम्लामा विरोध प्रदर्शन

भारतीय चिकित्सक डा. मौमिताको हत्या विरोधमा जुम्लामा विरोध प्रदर्शन


जुम्ला—भारतीय चिकित्सक मौमिता देवनाथको सामुहिक बलात्कारपछि हत्याको जुम्लामा विरोध गरिएको छ । आइतबार साँझ प्रतिष्ठान प्राङ्गणमामा कर्णाली स्वास्थ्य विज्ञान प्रतिष्ठानका उपकुलपति डा. मंगल रावलसहित विद्यार्थी, प्राध्यापक र स्वास्थ्यकर्मीले क्यान्डल बालेर विरोध प्रदर्शनी गरेका हुन् ।

भारतको कलकत्तास्थित राधागोविन्द कर मेडिकल कलेजकी प्रशिक्षार्थी डा. मौमिता देवनाथको सामूहिक बलात्कारपछि विभत्स हत्या गरिएको थियो ।

अगस्त ८ मा प्रशिक्षार्थी डा. मौमिताको शव फेला परेको थियो । प्रहरीकाअनुसार उनको बलात्कारपछि हत्या गरिएको हो ।

उक्त घटनालाई लिएर भारतलगायत विश्वका चिकित्सकहरू हडतालमा उत्रिएका छन् । एम्स दिल्लीसहित भारतका सबै सरकारी अस्पतालमा ओपीडी सेवा प्रभावित भएका छन् । यद्यपि, इमर्जेन्सी सेवा भने सुचारु छन् ।

दोषीलाई कारवाही र पीडितले न्याय पाउनुपर्छ भन्ने मागमा ऐक्यबद्धता जनाउन कर्णाली स्वास्थ्य विज्ञान प्रतिष्ठानमा दिप प्रज्वलन गरिएको उपकुलपति डा. रावलले बताए ।


क्याटेगोरी : कर्णाली प्रदेश



तपाईको प्रतिक्रिया दिनुहोस


ट्रेण्डिङ