काठमाडौं—नेपाल स्वास्थ्य सेवा व्यवस्थापक संघको अध्यक्षमा डा. होमप्रसाद अधिकारी निर्वाचित भएका छन् । शनिबार काठमाडौंमा सम्पन्न संघको दोस्रो महाधिवेसनबाट डा. अधिकारी अध्यक्षमा निर्वाचित भएका हुन् ।
कार्यसमितिमा निवर्तमान अध्यक्ष महेन्द्रराज भुसाल रहनेछन् । यस्तै, संघको वरिष्ठ उपाध्यक्षमा विक्रम अधिकारी सर्वसम्मत भए । उपाध्यक्षहरुमा कोशीमा इन्दु नेपाल योन्जन, मधेशमा अभिशेष रोशन, बागमतीमा अरुण कोइराला, गण्डकीमा हेमन्त श्रेष्ठ, लुम्बिनीमा देभेष कर्ण, कर्णालीमा भक्तबहादुर शाही, सुदूरपश्चिममा कृष्णराज ढुंगाना चयन भए ।
महासचिवमा छमबहादुर अधिकारी चयन भए । सचिवमा समीर शर्मा र कोषाध्यक्षमा रोजिका प्रधान चयन भएका छन् ।
यसैगरी, सदस्यहरुमा श्रेयशध्वज जोशी, रोशन अधिकारी, जगतलक्ष्मी सुजाखु, प्रकृति आचार्य, विशाल लामिछाने,क्षितिज खतिवडा, हेमकुमार बिडारी र लवेन्द्र कुँवर चयन भए ।
