केही वर्ष पहिले मात्रै संसारभर सुन्दर नायिकाको रुपमा प्रख्यात नायिका एन्जेलिना जोली भविष्यमा स्तन क्यान्सर नहोस्, भन्ने हेतुले उपचारकोे निम्ति अस्पताल पुगेकी थिइन् । यसैगरी कलाकार माइकल पनि डगलास प्यापिलोमा भाइरसका कारण मुख तथा घाँटी क्यान्सरका शिकार बन्न पुगे । लन्डनको द गार्डेन नामक पत्रिकालाई आफ्नो मुख तथा घाँटी क्यान्सरको कारण मुखमैथुन रहेको उनले बताएका थिए ।
प्यापिलोमा भाइरस संक्रमणका मुख्य कारण हो–मुखमैथुन ।
एचपिभी भाइरसले व्यक्तिमा मात्रै विभिन्न किसिमको दुई सय छुट्टा–छुट्टै समस्याहरु देखा पर्न सक्दछ । त्यसमा साझा देखापर्ने समस्यामध्ये छाला सम्बन्धीको समस्या हो । अन्य अन्तर्गत यौन सम्बन्धीका रोगहरु पर्दछन् । संयुक्त राष्ट्रसंघको एक अनुसन्धानले पनि प्रत्येक राष्ट्रहरुमा नै एचपिभी भाइरस यौन रोगको सरुवाको मुख्य कारकतत्व रहेको पाइएको छ ।
एचपिभी भाइरसबाट संक्रमण भैसकेपछि यो हाम्रो शरीरमा एक्टिभ नभएसम्म यसको खासै लक्षण देखिदैन् । तर, शरीरमा पसेर एक्टिभ भएपश्चात् भने यसले सिधै हाम्रो शरीरको झिल्ली अर्थात्, मुख, घाँटी, जिब्रो, गर्भाशय, मलद्धार तथा यौनाङ्गका वरपर आक्रमण गर्दछ । यो भाइरसको संक्रमण तन्तु तथा हाम्रो शरीरमा देखा पर्ने मुसाको माध्यमबाट पनि हुन सक्छ ।
प्रायःजसो कतिपय व्यक्तिहरुमा यो भाइरसले प्रवेश गरिसकेपछि पनि दुई वर्षसम्म खासै असर देखाउदैन् । तर, त्यसपश्चातः भने यसले व्यक्तिलाई दीर्घकालीन समस्याको अवस्था सिर्जना गर्ने गर्छ । जसबाट महिलामा पाठेघर क्यान्सर, पुरुषमा लिङ्ग क्यान्सर, अथवा दुवैमा मलद्धार तथा ओरोफान्जिल (मुखसँग जोडिएको घाँटीको पछिल्लो भाग) क्यान्सर समेत हुन सक्ने सम्भावना हुन्छ ।
पहिले पहिलेको अवस्थामा ओरोफान्जिल क्यान्सर मद्यपान तथा धुम्रपानको कारण लाग्ने गर्दथ्यो । तर, वर्तमान समयमा यस रोगको मुख्य कारण प्रायः जसो एचपिभी भाइरस देखिन गएको छ । फलस्वरुपः यस भाइरसका कारण प्रायःजसो व्यक्तिहरुमा मुख तथा घाँटीको क्यान्सर अधिक मात्रामा देखिने गरेको छ । पाठेघरको क्यान्सरको तुलनामा मुख तथा घाँटीको क्यान्सर अधिक व्यक्तिमा भेटिएको केही चिकित्सकहरुको राय रहेको छ ।
लक्षणहरु
- जिब्रो तथा घाँटीमा निको नहुने गरीे दुखाइ रहिरहनु
- खाना निल्दा घाँटीमा निरन्तर दुखाइ हुनु
- घाँटीतिर डल्लो परी निरन्तर दुखाइ हुनु ।
एचपिभीका रोकथाम तथा उपचारका उपायहरु
चुम्बन, मुखमैथुन तथा यौनसम्पर्क एचपिभीको मुख्य कारक तत्व हो । जसबाट एक व्यक्तिमा भएको भाइरस उसको सहकर्मीलाई पनि सजिलै सर्न सक्छ । एचपिभीबाट हुने मुख तथा घाँटी क्यान्सर रोकथामको उपायहरु उमेर अनुसारको फरक फरक हुन्छ ।
बालवालिका, किशोर–किशोरी, युवा तथा दुवै लिङ्ग समूहका व्यक्तिहरुले एचपिभी विरुद्धको खोप लगाएको खण्डमा पनि यस रोगबाट बच्न सकिन्छ । यसैगरी, महिलाहरुले पाठेघर क्यान्सर र महिला पुरुष दुवैले प्रत्येक वर्ष सरुवा रोग तथा एचपिभी भाइरससँग सम्बन्धित अन्य रोगहरु विरुद्ध पनि खोप लिन सकिन्छ ।
वृद्ध व्यक्तिहरु र यो रोगबाट संक्रमित भैसकेका व्यक्तिहरुलाई भने खोपको प्रभाव नपर्ने हुँदा त्यस्ता व्यक्तिहरुले आफूबाट अन्य व्यक्तिहरुमा यो रोग सर्न नदिन यौन, गुद्धार तथा मुखमैथुनजस्ता सम्बन्धहरुमा कन्डम, ल्याटेक्सको प्रयोग गर्न सकिन्छ ।
यदि तपाई यो भाइरसको संक्रमित भइसक्नु भएको छ, भने आफूलाई क्यान्सर लाग्नबाट भने बच्न तथा आफ्नो स्वास्थ्यमा सुधार ल्याउन सक्नुहुन्छ ।
-एजेन्सीहरूको सहयोगमा
