काठमाडौं– चिकित्सा शिक्षा आयोगका तीनवटा निर्देशनालयमा तीन जना चिकित्सक निर्देशक नियुक्त भएका छन् ।
आयोगमा रिक्त रहेका निर्देशक पदमा डा. दीपेन्द्र श्रेष्ठ, डा. सन्ध्या चापागाईं र डा. संघरत्न बज्राचार्य नियुक्त भएका हुन् ।
प्रा.डा. दीपेन्द्र बहादुर श्रेष्ठ
काठमाडौंका प्रा.डा. दीपेन्द्र श्रेष्ठ चिकित्सा विज्ञान राष्ट्रिय प्रतिष्ठान (न्याम्स)का प्राध्यापक हुन् । वरिष्ठ नाक, कान तथा घाँटी रोग विशेषज्ञ रहेका उनी यसअघि वीर अस्पतालको विभागीय प्रमुखसमेत रहिसकेका अनुभवी चिकित्सक हुन् ।
प्रा.डा. संघरत्न बज्राचार्य
काठमाडौंका प्रा.डा. बज्राचार्य चिकित्सा शिक्षा आयोगको योजना, समन्वय तथा प्राज्ञिक उन्नयन निर्देशनालयका पूर्वनिर्देशक हुन् । उनी त्रिभुवन विश्वविद्यालय, चिकित्साशास्त्र अध्ययन संस्थान (आईओएम) अन्तर्गत फार्माकोलोजीका प्राध्यापक हुन् ।
प्रा.डा. सन्ध्या चापागाई आचार्य
भक्तपुरको मध्यपुर थिमी निवासी प्रा.डा. सन्ध्या वीर अस्पतालकी वरिष्ठ क्यान्सर रोग विशेषज्ञ हुन् । उनी नेपाल मेडिकल काउन्सिलमा सरकारबाट मनोनित पूर्व सदस्य रहिसकेकी महिला प्राज्ञिक व्यक्तित्व हुन् । वीरको क्लिनिकल कोर्डिनेटर, एकेडेमिक कोर्डिटरसमेत रहिसकेकी उनी आयोगको निर्देशकको प्रतिस्पर्धामा रहेकी एक्ली महिला उम्मेदवार हुन् ।
