कोभिड – १९का कारण डोल्पामा एक महिलाको मृत्यु

जुम्ला – डोल्पामा दोस्रो लहरको कोभिड – १९ का कारण पहिलो पटक एकजना महिलाको मृत्यु भएको छ । त्रिपुरासुन्दरी नगरपालिका – ३ की ४५ वर्षीय कोरोना संक्रमित महिलाको उपचारको क्रममा मंगलबार बिहान जिल्ला अस्पताल डोल्पामा मृत्यु भएको अस्पतालले जनाएको हो ।

मृतक महिला दमको बिरामी भएको र अक्सिजन लेबल पैतीस भन्दा तल झरेपछि उपचारको क्रममा मृत्यु भएको अस्पतालका कोभिड फोकल व्यक्ति विधायक केसीले बताए ।

ज्वरो रुघाखोकीले ग्रस्त भएपछि उनलाई बैशाख ३१ गते जिल्ला अस्पतालमा ल्याइएको थियो । लगत्तै कोरोना परीक्षण गर्दा रिपोर्ट पोजेटिभ आएको केसीले बताए ।

नेपाली सेनाद्वारा शव ब्यवस्थापनको तयारी भइरहेको अस्पतालले जनाएको छ । अहिले डोल्पामा २८ जना सक्रिय संक्रमित रहेका छन् ।