स्वास्थ्य सेवातर्फ सिंजा गाउँपालिका पहिलो

जुम्ला—जुम्लाका ८ स्थानीय तहमध्ये स्वास्थ्य सेवातर्फ सिंजा गाउँपालिका पहिलो भएको छ । आर्थिक वर्ष ०८०/०८१ मा स्वास्थ्यतर्फ सिंजा गाउँपालिका पहिलो भएको हो ।

गत वर्ष स्वास्थ्य सेवातर्फका विभिन्न सूचक पूरा गरी ८७ प्रतिशत अंक प्राप्त गरेर पहिलो भएको जनस्वास्थ्य कार्यालय जुम्लाका प्रमुख कृष्ण सापकोटाले बताए । ‘पहिलो हुने सिंजा गाउँपालिका स्वास्थ्य शाखा प्रमुख ललित रोकायालाई सम्मान पत्र प्रदान गरिएको छ,’ उनले भने ।

यस्तै, चन्दननाथ नगरपालिकाले ८४.४ प्रतिशत अंक प्राप्त गरी दोस्रो स्थान हासिल गरेको छ । कनकासुन्दरी गाउँपालिकाले ८१.१ प्रतिशत अंक प्राप्त गरेको छ । त्यसपछि क्रमसः ७६.५ हिमा, ७०.५ तातोपानी, ६८.१ गुठीचौर, ६३.६ पातारासी र ६२ तिला गाउँपालिकाले अंक प्राप्त गरेको जनस्वास्थ्य कार्यालय जुम्लाले जनाएको छ ।