जुम्ला— मुगु जिल्लाको सोरु गाउँपालिका – ८ रुम गाउँ मुगुकी ३४ वर्षीया सुनिता बुढाले धामीझाँक्रीको अन्धविश्वासमा पर्दा ज्यान गुमाएकी छन् । ११ गते दिउसो घरमै छोरालाई जन्म दिएकी उनको सालनाल झरेन ।
तर, उपचारका लागि समयमै अस्पताल पु¥याउन अन्धविश्वास बाधा बनेको थियो । उनलाई उपचारका लागि एक घण्टा टाढा रहेको सीप प्रसूति केन्द्र लगिएको थियो । अत्याधिक रक्तस्राव सुरु भएपछि केन्द्रले थप उपचारका लागि जिल्ला अस्पताल पठाउन सिफारिस ग¥यो ।
११ भदौंको राति १० बजे मात्र जिल्ला अस्पताल पुगेकी सुनिताको अवस्था गम्भीर थियो । चिकित्सकहरूले परीक्षण गर्दा उनको शरीरबाट अत्याधिक रक्तस्रावले गर्दा जम्मा दुई प्वाइन्ट मात्र रगत बाँकी रहेको थियो । जीवन बचाउन तत्कालै रगत चढाउनैपर्ने अवस्था थियो । तर, जिल्ला अस्पतालमा ब्लड बैंक थिएन । बाध्य भएर चिकित्सकले सामाजिक सञ्जालमार्फत रगत माग्दा पाँच जना युवाले अग्रसर भएर रगत दिन सहमति जनाए ।
आवश्यक रगतको व्यवस्था भएलगत्तै चिकित्सकले उनलाई बचाउन भरमग्दुर प्रयास पनि गरे । तर, अवस्था झन् जटिल हुँदै गयो । थप उपचारका लागि हेलिकप्टरमार्फत सुविधासम्पन्न अस्पताल लैजाने तयारी भइरहेकै बेला १२ भदौं दिउँसो ३ बजे उपचारकै क्रममा उनको मृत्यु भयो ।
उनको बच्चा जीवित रहेपनि उनी भने बाँचिनन् । मुगुम कार्मारोङ गाउँपालिका स्वास्थ्य शाखा कार्यालय मुगुमा जनस्वास्थ्य निरीक्षक बलिराज बुढा भन्छन्, ‘सुनिता तीन बर्ष पहिला पनि यस्तै जटिलताले अस्पताल आएकी थिइन् ।’ यस पटक सुरक्षित रुपमा बर्थिङ सेन्टरमा बच्चा जन्माउनुपर्ने हो । तर, लेकतिरको डेरामा जन्माएको र जटिलतापछि मात्रै अस्पताल पुगेकी रहिछन् । घरमा बाटोमा र अस्पताल हुने ढिलाइ र रगत अभावका साथै देवी देवताप्रतिको विश्वास रुडिवादी चलन र स्वास्थ्य सम्बन्धि हेलचेक्रयाईंले सुनिताले ज्यान गुमाउनु परेको बुझिन्छ,’ उनले भने ।
आमा गुमाएका शिशुका बुबा लालबहादुर रावल गाउँकै कुल देवताको धामी हुन् । धामी भएकै कारण उनी गाउँबाहिरको खोला पार गरेर अन्यत्र जान नमिल्ने धार्मिक मान्यताका कारण उनी ढिलो अस्पताल पुगेको बताइएको छ ।
